តំណាងរាស្ត្រ​លោកសួស យ៉ា​រ៉ា…

រាជធានីភ្នំពេញ៖ លោក សួស យ៉ា​រ៉ា តំណាងរាស្ត្រ​គណបក្ស​ប្រជាជន​កម្ពុជា និងជា​អ្នកនាំពាក្យ​ បានស្នើ​សុំ​ផែន​ទី Bonne ខ្នាត ១/១០០ ០០០ ព្រំដែន​វៀតណាម-កម្ពុជា ហៅថា ផែនទី​ភូមិសាស្ត្រ​ឥណ្ឌូចិន ដែល​លោក ​សម រង្ស៊ី ប្រធាន​ក្រុមតំណាងរាស្ត្រ​មតិ​ភាគតិច បាន​ទិញ​ក្នុងតម្លៃ ១៦៨ដុល្លារអាមេរិក សម្រាប់​ផ្ទៀងផ្ទាត់​ផែនទី​ពិត​របស់​រាជរដ្ឋាភិបាល នៅ​មន្ទីរ​រដ្ឋសភា ដើម្បី​សន្តិភាព និង​ស្ថិរភាព​របស់​ជាតិ​។

ប្រគល់ជូនប្រធានរដ្ឋសភា តាមរយៈ​លោក​អនុប្រធាន​ទី​១ លោក កឹម សុខា ធ្វើការ​ដាក់តាំង​បង្ហាញ និង​ប្រៀបធៀប​ជាមួយ​ផែនទី​ខ្នាត ១/១០០ ០០០ របស់​រាជរដ្ឋាភិបាល ដែល​បាន​ប្រើប្រាស់​ជា​មូលដ្ឋាន​ចរចា​ក្នុងការ​កំណត់ និង​បោះបង្គោល​ព្រំដែន កន្លងមក។

ខាងក្រោមនេះជាលិខិតសំណើរសុំ​ផែន​ទី Bonne ខ្នាត ១/១០០ ០០០ ដែន​វៀតណាម-កម្ពុជា របស់តំណាងរាស្ត្រ​គណបក្ស​ប្រជាជន​កម្ពុជា ​មណ្ឌល​ខេត្តព្រះវិហារ៖

គណបក្សប្រជាជនកម្ពុជា01 គណបក្សប្រជាជនកម្ពុជា02

ប្រភពព័ត៌មាន:តំណាងរាស្ត្រ​លោកសួស យ៉ា​រ៉ា…

ឃាត់ខ្លួនជនជាតិបរទេស២នាក់ ដែលបង្ហោះយន្តហោះ Drone…

រាជធានីភ្នំពេញ៖ ជនបរទេស២នាក់ ត្រូវបាន​សមត្ថកិច្ចនគរបាលឃាត់ខ្លួន បន្ទាប់ពីពួកគេបង្ហោះយន្តហោះ Drone បំពាក់កាមរ៉ា ដោយបញ្ជា យន្តហោះពីក្នុងវត្តលង្កា ទៅមុខមុខភូមិគ្រិះរបស់លោកនាយករដ្ឋមន្ត្រី ហ៊ុន សែន ជិតវិមានឯករាជ្យ កាលពីវេលាម៉ោង១០និង៣០នាទីព្រឹកថ្ងៃទី២៣ ខែមិថុនា ឆ្នាំ២០១៥ ។

ជនសង្ស័យទាំងពីរនាក់ត្រូវគេស្គាល់ថា ម្នាក់ជាជនជាតិអាមេរិក ឈ្មោះ Todd Brown ភេទប្រុស អាយុ៣៩ឆ្នាំ និងម្នាក់ទៀតជាជនជាតិបារាំង ឈ្មោះ Gilles Sainsily ភេទប្រុស អាយុ៣៥ឆ្នាំ ត្រូវកម្លាំងសន្តិសុខផ្ទៃក្នុងនាំខ្លួនទៅសាកសួរ។

ស្នងការរងនគរបាលរាជធានីភ្នំពេញ លោក ស៊ឹម វុទ្ធី បានបញ្ជាក់ថា គិតវេលាម៉ោង ១២និង៣៥ នាទីរសៀលថ្ងៃទី២៣ ខែមិថុនា ឆ្នាំ២០១៥នេះ ជនបរទេសទាំង២នាក់ខាងលើនេះ ស្ថិតក្រោមការសួរនាំនៅឡើយ នៅស្នងការដ្ឋាននគរបាលរាជធានីភ្នំពេញ ជាមួយអ្នកបកប្រែ ប៉ុន្តែមិនទាន់ដឹងនៅឡើយទេ ហើយក៏មិនទាន់មានវិធានការណ៏យ៉ាងណាដែរ ពោលចាំសួរចប់សិន៕BB-01 bb02 bb03

ប្រភពព័ត៌មាន:ឃាត់ខ្លួនជនជាតិបរទេស២នាក់ ដែលបង្ហោះយន្តហោះ Drone…

David Beckham ចាកចេញពីទឹកដីអង្គរ កម្ពុជាវិញហើយ – នីតា

រាជធានីភ្នំពេញ៖ អតីតកីឡាករ​បាល់ទាត់​អង់គ្លេស​ដ៏​ល្បីល្បាញ និងឯកអគ្គរាជទូត​សុច្ឆន្ទៈ​អង្គការ​យូ​នី​សេ​ហ្វ លោក ដាវីដ ប៊េកខាំ David Beckham​ នៅល្ងាចថ្ងៃទី១៥ ខែមិថុនា បានចាកចេញពីប្រទេសកម្ពុជាវិញហើយ តាមព្រលានយន្តហោះអន្តរជាតិខេត្តសៀមរាប ក្នុងទិសដៅបន្តដំណើរទៅក្រុងម៉ាកាវ មុននឹងទៅដល់​ទីក្រុង​ឡុង​ដ៍វិញ។ការចាកចេញនេះ បន្ទាប់ពីបញ្ចប់ការងារ របស់លោករយៈពេលពីរថ្ងៃនៅកម្ពុជា។

​បើតាម​សេចក្តីប្រកាសរបស់​អង្គការ​យូ​នេ​សេ​ហ្វ ចុះ​ថ្ងៃទី​១៥ ខែមិថុនា ឆ្នាំ​២០១៥ ធ្វើ​នៅ​ទីក្រុង​ឡុង​ដ៍ និង​ទីក្រុង​សៀមរាបបង្ហាញថានៅ​ដើម​ឆ្នាំនេះ គឺជា​ទិវា​ខួប​លើក​ទី​១០ របស់David Beckham​ ដែល​បានទទួល​ភារកិច្ច​ជា​ឯកអគ្គរាជទូត​សុច្ឆន្ទៈ​អង្គការ​យូ​នី​សេ​ហ្វ ហើយ​រូបលោក រួមទាំង​អង្គការ​នេះ បាន​បង្កើត​នូវ​មូលនិធិ​មួយ ដែលមាន​ឈ្មោះថា “​លេខ​៧ – មូលនិធិ David Beckham និង​យូ​នី​សេ​ហ្វ​”  ដើម្បី​ជួយ​ការពារ​កុមារ​ពី​គ្រោះថ្នាក់​។

​David Beckham បាន​ប្តេជ្ញា​ចិត្ត​ប្រើ​នូវ​សម្លេង​ ឥទ្ធិពល​ និង​ទំនាក់ទំនង​ដ៏​មាន​កិត្យានុភាព​របស់​លោក​ ដើម្បី​ប្រមូល​នូវ​ថវិកា​និង​ជម្រុញ​មេដឹកនាំ​ពិភពលោក​ឲ្យ​ធ្វើការ​ផ្លាស់​ប្តូរ​ប្រកបដោយ​ភាព​វិជ្ជមាន​យូរអង្វែង​សម្រាប់​កុមារ​។​

​មូលនិធិ​នេះ​នឹង​គាំទ្រ​ដល់​អង្គការ​យូ​នី​សេ​ហ្វ​ ឲ្យ​អនុវត្ត​នូវ​កម្មវិធី​អភិវឌ្ឍន៍​ជីវិត​កុមារ​នៅ​ទូ​ទាំង​ពិភពលោក​ រួម​ទាំង​កុមារ​រង​គ្រោះ​ដោយ​អំពើ​ហិង្សា​នៅ​ក្នុង​ប្រទេស​កម្ពុជា​ផង​ដែរ​។

​ឯកអគ្គរាជទូត​សុច្ឆន្ទៈ​អង្គការ​យូ​នី​សេ​ហ្វ David Beckham បាន​មានប្រសាសន៍ថា “​ខ្ញុំ​មកកាន់​ប្រទេស​កម្ពុជា ដើម្បី​ជួប​កុមារ​រងគ្រោះ​ពី​អំពើហិង្សា ស្តាប់​នូវ​រឿងរ៉ាវ​របស់​ពួកគេ និង​ស្វែងយល់​ពី​ការងារ​របស់​អង្គការ​យូ​នី​សេ​ហ្វ​និង​ដៃគូ ក្នុង​ការជួយ​កុមារ​ទាំងនោះ​ឲ្យ​មាន សុវត្ថិភាព​។ សម្រាប់​ខ្ញុំ វា​តក់ស្លុត​ណាស់ ដែលមាន​កុមារ​ម្នាក់​នៅ​រៀងរាល់​ប្រាំ​នាទី បាន​ស្លាប់​ដោយសារ​អំពើហិង្សា នៅ​កន្លែង​ណាមួយ​នៅក្នុង​ពិភពលោក​”​។​

សូម​រម្លឹកថា រូបថត​របស់ David Beckham បានបង្ករអោយមានការភ្ញាក់ផ្អើលសំរាប់ប្រជាពលរដ្ឋកម្ពុជា ខណៈពេលដែលលោកមកដល់​កម្ពុជា និង​ទស្សនា​ប្រាសាទ​អង្គរវត្ត ហើយបានបង្ហោះរូបភាពនៅមុខអង្គវត្តលើបណ្ដាញសង្គម ចាប់តាំងពី​ថ្ងៃទី​១៤ ខែមិថុនា ឆ្នាំ​២០១៥៕

David Beckham-Fpm-150615David Beckham-150615David Beckham01David Beckham02

ប្រភពព័ត៌មាន:David Beckham ចាកចេញពីទឹកដីអង្គរ កម្ពុជាវិញហើយ – នីតា

អាជ្ញាធរជាតិ​អប្សរា ប្រារព្ធទិវា International Day of Yoga…

រាជធានីភ្នំពេញ៖ អាជ្ញាធរ​ជាតិ​អប្សរា បានចេញ​សេចក្តីជូនដំណឹង ដោយរាជរដ្ឋាភិបាលបាន​អនុញ្ញាតជាគោលការណ៏ អោយក្រសួងទេសចរណ៏ សហការណ៏ជាមួយស្ថានទូតឥណ្ឌាប្រចាំកម្ពុជារៀបចំប្រារព្ធទិវាអន្តជាតិស្តីពីយូហ្គា (International Day of Yoga)នៅមុខប្រាសាទអង្គរវត្ត នៅថ្ងៃទី២១ ខែឧសភាខាងមុននេះ នៅបរិវេណទីធ្លាខាងមុខប្រាសាទអង្គរវត្ត។

សេចក្តីជូនដំណឹង ចុះ​ថ្ងៃទី​១៥ ខែមិថុនា ឆ្នាំ​២០១៥ ចុះហត្ថលេខា​ដោយ​លោក សុខ លក្ខិណា អគ្គនាយក​ស្តីទី អាជ្ញាធរ​ជាតិ​អប្សរា បាន​បញ្ជាក់ថាដើម្បី​រក្សាសុវត្តិភាព និងបង្កលក្ខណៈ ងាយស្រួល ដល់ការរៀបចំវិធី អាជ្ញាធរ​ជាតិ​អប្សរា នឺងធ្វើការប្តូរទិសចរាចរណ៏ ផ្លូវនៅខាងមុខប្រាសាទអង្គរវត្ត ដូចខាងមានក្រោម៖apsara-authority-150615apsara-authority-logo-17192648

ប្រភពព័ត៌មាន:អាជ្ញាធរជាតិ​អប្សរា ប្រារព្ធទិវា International Day of Yoga…

David Beckham មកកម្ពុជា…

រាជធានីភ្នំពេញ៖ David Beckham ឯកអគ្គរាជទូតសុច្ឆន្ទៈអង្គការយូនីសេហ្វ បានធ្វើដំណើរមកកាន់ប្រទេសកម្ពុជា ក្នុងគោលបំណងស្វែងយល់ពីការងាររបស់អង្គការយូនីសេហ្វ និងដៃគូ ដែលកំពុងជួយគាំទ្រដល់កុមាររងគ្រោះពី ការរំលោភបំពានលើរាងកាយផ្លូវភេទ និងផ្លូវចិត្ត និងកំពុងការពារកុមារដែល ងាយរងគ្រោះពីសំណាក់គ្រោះថ្នាក់ផ្សេងៗទៀត។

បើតាម​សេចក្តីប្រកាសរបស់​អង្គការ​យូ​នេ​សេ​ហ្វ ចុះ​ថ្ងៃទី​១៥ ខែមិថុនា ឆ្នាំ​២០១៥ បានអោយដឺងថានៅ​ដើម​ឆ្នាំនេះ គឺជា​ទិវា​ខួប​លើក​ទី​១០ របស់David Beckham​ ដែល​បានទទួល​ភារកិច្ច​ជា​ឯកអគ្គរាជទូត​សុច្ឆន្ទៈ​អង្គការ​យូ​នី​សេ​ហ្វ ហើយ​រូបលោក រួមទាំង​អង្គការ​នេះ បាន​បង្កើត​នូវ​មូលនិធិ​មួយ ដែលមាន​ឈ្មោះថា “​លេខ​៧-មូលនិធិ David Beckham និង​យូ​នី​សេ​ហ្វ​”  ដើម្បី​ជួយ​ការពារ​កុមារ​ពី​គ្រោះថ្នាក់​។

​David Beckham បាន​ប្តេជ្ញា​ចិត្ត​ប្រើ​នូវ​សម្លេង​ ឥទ្ធិពល​ និង​ទំនាក់ទំនង​ដ៏​មាន​កិត្យានុភាព​របស់​លោក​ ដើម្បី​ប្រមូល​នូវ​ថវិកា​និង​ជម្រុញ​មេដឹកនាំ​ពិភពលោក​ឲ្យ​ធ្វើការ​ផ្លាស់​ប្តូរ​ប្រកបដោយ​ភាព​វិជ្ជមាន​យូរអង្វែង​សម្រាប់​កុមារ​។​​មូលនិធិ​នេះ​ នឹង​គាំទ្រ​ដល់​អង្គការ​យូ​នី​សេ​ហ្វ​ ឲ្យ​អនុវត្ត​នូវ​កម្មវិធី​អភិវឌ្ឍន៍​ជីវិត​កុមារ​នៅ​ទូ​ទាំង​ពិភពលោក​ រួម​ទាំង​កុមារ​រង​គ្រោះ​ដោយ​អំពើ​ហិង្សា​នៅ​ក្នុង​ប្រទេស​កម្ពុជា​ផង​ដែរ​។

​ឯកអគ្គរាជទូត​សុច្ឆន្ទៈ​អង្គការ​យូ​នី​សេ​ហ្វ David Beckham បាន​មានប្រសាសន៍ថា “​ខ្ញុំ​មកកាន់​ប្រទេស​កម្ពុជា ដើម្បី​ជួប​កុមារ​រងគ្រោះ​ពី​អំពើហិង្សា ស្តាប់​នូវ​រឿងរ៉ាវ​របស់​ពួកគេ និង​ស្វែងយល់​ពី​ការងារ​របស់​អង្គការ​យូ​នី​សេ​ហ្វ​និង​ដៃគូ ក្នុង​ការជួយ​កុមារ​ទាំងនោះ​ឲ្យ​មាន សុវត្ថិភាព​។ សម្រាប់​ខ្ញុំ វា​តក់ស្លុត​ណាស់ ដែលមាន​កុមារ​ម្នាក់​នៅ​រៀងរាល់​ប្រាំ​នាទី បាន​ស្លាប់​ដោយសារ​អំពើហិង្សា នៅ​កន្លែង​ណាមួយ​នៅក្នុង​ពិភពលោក​”​៕David Beckham01David Beckham02David Beckham07David Beckham08

ប្រភពព័ត៌មាន:David Beckham មកកម្ពុជា…

Huawei P8 ដែល​អាច​ថត​ជាប់​ចលនា​ពន្លឺ មកដល់​កម្ពុជា​ហើយ​

​ទូរស័ព្ទ ដែល​ត្រូវគេ​ចាត់ទុកថា ជា​កំពូល​ស្មា​ត​ហ្វូ​ន Huawei P8 ដែល​ល្បី​ទាំង​ទ្វីបអឺរ៉ុប តំបន់​អារ៉ាប់ និង​ទ្វីបអាស៊ី លើ​មុខងារ​កាមេរ៉ា​ច្បាស់ និង​អាច​ថត​ជាប់​ពន្លឺ​បាន ដោយ​បំពាក់​ដោយ​បច្ចេកវិទ្យា​ទំនើប​ចុងក្រោយ​បំផុត​ជាមួយ​ការ​រចនា​រូបរាង​ដ៏​ប្រណីត បានមក​ដល់ទី​ផ្សារ​ប្រទេស​កម្ពុជា​ហើយ​។

11328819_10205526853628874_79267021_n

​ពិធី​សម្ពោធ និង​ហ្វឹកហ្វឺន​អាជីវករ​អំពី​លក្ខណៈពិសេស​របស់ កំពូល​ស្មា​ត​ហ្វូ​ន​ស៊េរី​ចុងក្រោយ​បំផុត Huawei P8 ត្រូវបាន​ធ្វើឡើង​កាលពី​ចុង​សប្តាហ៍​កន្លងទៅនេះ នៅ​ភោជនីយដ្ឋាន​ទន្លេបាសាក់ II ដោយមាន​ការចូលរួម​ពី កំពូល​តារាចម្រៀង មាស សុខ​សោភា ឯកអគ្គរាជទូត​សុ​ឆន្ទៈ​របស់​ទូរស័ព្ទ Huawei ប្រចាំ​ប្រទេស​កម្ពុជា ពិធីករ​ពិធី​ការី​នី តារាចម្រៀង​ទើបនឹង​រះ​ថ្មី តារា​បង្ហាញ​ម៉ូត​ដែលមាន​ប្រជាប្រិយភាព អ្នកតំណាង​ក្រុមហ៊ុន Huawei អ្នកគាំទ្រ​ផលិតផល Huawei អាជីវករ អ្នក​ថតរូប​អាជីព​ដ៏​ល្បី​មួយចំនួន​។​

​សូមបញ្ជាក់ថា Huawei P8 មាន​លក់​ក្នុង​ទីផ្សារ​កម្ពុជា ក្នុងតម្លៃ​ប្រហែល $479 សម្រាប់​ពណ៌ Titanium Grey និង $599 សម្រាប់ ពណ៌ Mystic Champagne (​មាស​) ចំណែក Huawei P8 Max មានតម្លៃ​ប្រហែល $629 ប៉ុន្តែ Huawei P8 Max និង Huawei P8 ពណ៌​មាស​នឹង​ចេញលក់​នៅ​ចុងខែ​មិថុនា ឬ​ដើមខែ​កក្កដា​ខាងមុខ​៕​

11428548_10205526853468870_1753140240_n 11350194_10205526853348867_204608376_n

ប្រភពព័ត៌មាន:Huawei P8 ដែល​អាច​ថត​ជាប់​ចលនា​ពន្លឺ មកដល់​កម្ពុជា​ហើយ​

Huawei P8 កំពូល​ស្មា​ត​ហ្វូ​ន​ទំនើប​កប់​ស៊េរី…

​បន្ទាប់ពី​ការបង្ហាញ​វត្តមាន​កំពូល​ស្មា​ត​ហ្វូ​ន Huawei P8 ប្រកបដោយ​ជោគជ័យ កក្រើក​ទីក្រុង​ឡុង​ដ៍ កាលពី​ខែមេសា​កន្លងមក ក្រុមហ៊ុន Huawei បាន​បន្តធ្វើ​ឲ្យ​កក្រើក​ជាថ្មី​ម្ដងទៀត តាមរយៈ​ការបង្ហាញ​វត្តមាន​កំពូល​ស្មា​ត​ហ្វូ​ន Huawei P8 និង ឧ​បក​ណ៍ Wearable (​នាឡិកា​ដែល ដើរតួនាទី​ជា​កាស​ស្តាប់​ត្រចៀក នាឡិកា​ថ្លៃ​កាលី​ប​លើ​) ដែលមាន​ភាព​ច្នៃប្រឌិត​ខ្ពស់​គ្មាន​ដែល​កំណត់ និង បច្ចេកវិទ្យា​លំដាប់​កំពូល នៅក្នុង​ទីផ្សារ​អាស៊ីអាគ្នេយ៍ កាលពី​ល្ងាច​ថ្ងៃទី 28 ខែឧសភា ឆ្នាំ 2015 នៅ Centara Grand and Bangkok Convention Centre ទីក្រុង​បាងកក​ប្រទេស​ថៃ​។​

11347829_10205455143996178_1162681252_o​ភ្ញៀវកិត្តិយស​ប្រមាណ​ជាង 500 នាក់ មកពី 11 ប្រទេស រួមមាន កម្ពុជា ថៃ ឡាវ វៀតណាម ភូមា សឹង្ហ​បូរី ម៉ាឡេស៊ី ហ្វីលីពីន នេ​ប៉ាល់ ឥណ្ឌា តៃវ៉ាន ហុងកុង ត្រូវបាន​អញ្ជើញ​ចួ​ល​រួម ដើម្បី​ទស្សនា និង​ស្វែងយល់​ពី​បច្ចេកវិទ្យា និង​សក្ដានុពល​ប្រកបដោយ​អានុភាព​នៅ​ពីក្រោយ​កំពូល​ស្មា​ត​ហ្វូ​ន P8 ដែល​កំពូល​ស្មា​ត​ហ្វូ​ន​ទំនើប​ចុងក្រោយ​បំផុត​របស់​ក្រុមហ៊ុន Huawei ។ ក្នុងនោះ​វត្តមាន​ភ្ញៀវ​កិ​ត្ត​យស​តំណាង​ប្រទេស​កម្ពុជា​រួមមាន កំពូល​តារាចម្រៀង​ដ៍​ល្បី មាស សុខ​សោភា ឯកអគ្គរាជទូត​សុ​ឆន្ទៈ​របស់​ក្រុមហ៊ុន Huawei ប្រចាំ​កម្ពុជា ពិធីការនី​ដ៍​ល្បី ស្អាត ឆ្លាត សម្ផស្ស​ក្មេង​ជាង​វៃ គឺ​ពិធីការនី ខៀវ សាន់​សា​ណា និង​ដៃគូ​ពាណិជ្ជកម្ម​ដូចជា ក្រុមហ៊ុន​ចែកចាយ​ផ្តាច់មុខ ក្រុមហ៊ុន Sayam Interational ក្រុមហ៊ុន Yako ហាង​លក់​ទូរស័ព្ទ The One Mobile ស៊ីវ អេង ស៊ីវ អេង II និង រតនា (​សៀមរាប​) ព្រមទាំង​អ្នកសារព័ត៌មាន ស្ថានីយ ទូរទស្សន៍ CTN, Hang Meas HDTV សារព័ត៌មាន ភ្នំពេញ​ប៉ុស្តិ៍ កោះសន្តិភាព និង​គេហទំព័រ​ព័ត៌មាន Sabay​។​

Huawei P8 ជា​សករាជ​ថ្មី​នៃ​បច្ចេកវិទ្យា​ទំនើប​ឈានមុខ ផ្នែក​មុខងារ​កាមេរ៉ា សម្រាប់​ថត​ក្នុង​ទី​ងងឹត អាច​ថត​ជាប់​ចលនា​ពន្លឺ​បាន (Light painting) និង​ថតរូប​បាន​ច្បាស់​ក្នុង​កម្រិត DSLR ព្រមទាំង​មានមុខ​ងារ Director Mode ដែល​អា​ចត​ភា្ជ​ប់​កា​ម៉េ​រា 3 ពី​ទូរស័ព្ទ​ប្រើប្រាស់​ប្រព័ន្ធ​ប្រតិបត្តិការ Android 3 ផ្សេងទៀត​ដើម្បី​ចាប់យក​រូបភាព​ពី ប្លង់ 4 ផ្សេងគ្នា និង​មាន​មុខងារ​ពិសេសៗ ប្លែកៗ ជាច្រើន​ទៀត ក្នុង​ការជួយ​បង្កើត​ភាព​ច្នៃប្រឌិត និង​សម្រួល​ការងារ​ប្រចាំថ្ងៃ​របស់​អ្នកប្រើប្រាស់​។​

​គំនិត​ច្នៃប្រឌិត​នៅ​ពីក្រោយ​ការ​រចនា​រូបរាង​របស់ P8 គឺ​យកតាម​ស្ទីល​បែប​បុរាណ​របស់​បណ្ណាគារ និង​ក្របសៀវភៅ​។ ផ្នែក​ខាងមុខ និង​ខាងក្រោយ​របស់ P8 មាន​លក្ខណៈសាមញ្ញ រលោង​ស្រិល មាំ​ធន់ តួរ​ស្រោប​លោហៈធាតុ និង​មើលទៅ​ថ្លៃថ្នូរ ជាមួយ​កម្រាស់​ដ៏​សែន​ស្ដើង​បំផុត របស់​ស្មា​ត​ហ្វូ​ន​ដែលមាន​គុណភាព​ផលិត​លំដាប់​កំពូល​មួយ​នេះ​។ P8 បំពាក់​ដោយ​អេក្រង់ LCD ទំហំ​ត្រឹមតែ 6.4mm ស៊ីម 2 និង​ល្បឿន​លឿន​អាច​ប្រើ​ជាមួយ​ប្រព័ន្ធ បណ្ដាញ​ប្រភេទ 4G ៕

ប្រភពព័ត៌មាន:Huawei P8 កំពូល​ស្មា​ត​ហ្វូ​ន​ទំនើប​កប់​ស៊េរី…

លោកថោង ខុនទទួលលិខិតផ្លូវការហើយ…

រាជធានីភ្នំពេញ៖ លោក ថោង ខុន រដ្ឋមន្រ្តីក្រសួងទេសចរណ៍ និងជាប្រធានគណៈកម្មាធិការជាតិអូឡាំពិកកម្ពុជា នៅថ្ងៃទី០៤មិថុនានេះ បានទទួលលិខិតជាផ្លូវការហើយ នៅក្នុងការ រៀបចំព្រឹត្តិការណ៍ SEA Games ឆ្នាំ២០២៣។

លោករដ្ឋមន្រ្តី បានបញ្ជាក់ថា លោកបានទទួលលិខិតជាផ្លូវការនេះ នៅក្នុង​កិច្ចប្រជុំ​ក្រុមប្រឹក្សា​សហព័ន្ធ​កីឡា​អាស៊ីអាគ្នេយ៍​​ កាលពី​វេលា​ម៉ោង​១១​ព្រឹក​ថ្ងៃទី​៤​មិថុនា​នេះ​ម៉ោង​នៅ​សឹង្ហ​បូរី​៕

លោក ថោង ខុនទទួល​នូវ​ លិខិតផ្លូវការ​ ដើម្បី​ធ្វើជា​ម្ចាស់ផ្ទះ SEA Games ទី​៣២​ឆ្នាំ​២០២៣

លោក ថោង ខុនទទួល​នូវ​ លិខិតផ្លូវការ​ ដើម្បី​ធ្វើជា​ម្ចាស់ផ្ទះ SEA Games ទី​៣២​ឆ្នាំ​២០២៣

ប្រភពព័ត៌មាន:លោកថោង ខុនទទួលលិខិតផ្លូវការហើយ…

ក្រុមហ៊ុន Huawei Marine និង MCT…

ក្រុមហ៊ុន Huawei Marine ដែលជា​ក្រុមហ៊ុន ផ្គត់ផ្គង់​ប្រព័ន្ធ​ខ្សែ​កា​ប្លិ៍​អុ​ប​ទិ​ក​ក្រោម​បាតសមុទ្រ​នៅ​ទូទាំង​ពិភពលោក បាន​ចុះហត្ថលេខា​លើ​កិច្ចព្រមព្រៀង​សាងសង់ និង​ថែទាំ​ប្រព័ន្ធ​ខ្សែ​កា​ប្លិ៍​អុ​ប​ទិ​កមួយ ជាមួយ​ក្រុមហ៊ុន Telekom Malaysia Berhad (​ម៉ាឡេស៊ី​) ក្រុមហ៊ុន Symphony Communication Public (​ថៃ​) និង ក្រុមហ៊ុន Telcotech (​កម្ពុជា​) ដើម្បី​សាងសង់​ប្រព័ន្ធ​ខ្សែ​កា​ប្លិ៍​អុ​ប​ទិ​ក​ក្រោម​បាតសមុទ្រ ម៉ាឡេស៊ី​-​កម្ពុជា​-​ថៃ (MCT) ។​

11347718_10205429366511757_593838760_o

​គម្រោង​ត​ភ្ជាប់​ខ្សែ​កា​ប្លិ៍​ប្រវែង 1.300 គីឡូម៉ែត្រ​របស់​ប្រព័ន្ធ​ខ្សែកាប​អុ​ប​ទិ​ក​ក្រោម​បាតសមុទ្រ MCT នេះ នឹង​ត​ភ្ជាប់​ទីក្រុង Cherating ក្នុងប្រទេស​ម៉ាឡេស៊ី និង​ខេត្ត រ៉ាក់យ៉ង ប្រទេស​ថៃ និង​ត​ភ្ជាប់​មកកាន់​ខេត្ត​ព្រះសីហនុ​ប្រទេស​កម្ពុជា តាមរយៈ​ស្ថានីយ​តូច ដែល​ត​ភ្ជាប់​ពី​ស្ថានីយ​មេ​។ សម្រាប់​ការ​ដំណើរ​ការបន្ត​ទៅកាន់​ប្រទេសជិតខាង ដូចជា ប្រទេស​ឡាវ និង​មី​យ៉ាន់​ម៉ា នឹង​អាច​ប្រព្រឹត្តទៅបាន​តាមរយៈ ការតភ្ជាប់​បណ្តាញ​លើគោក​បន្ថែមទៀត​។ ប្រព័ន្ធ​ខ្សែ​កា​ប្លិ៍​អុ​ប​ទិ​ក​ក្រោម​បាតសមុទ្រ MCT បំពាក់​ដោយ​បច្ចេកវិទ្យា​ទំនើប​ចុងក្រោយ​បំផុត 100G ដែលមាន​សមត្ថភាព​អាច​ផលិត​បាន​លើសពី 30 Tbps ។ ប្រព័ន្ធ​នេះ​នឹង​អាច​ដំណើរការ និង​ផ្តល់​សេវាកម្ម​ដល់​អតិថិជន​បាន​នៅ​ដំណាច់ឆ្នាំ 2016 ។​

optic

​នៅក្នុង​ពិធី​ចុះហត្ថលេខា​នេះ មាន​វត្តមាន​ចូលរួម​ដ៏​ខ្ពង់ខ្ពស់​ពី​សំណាក់ ឯកឧត្តម ប្រាក់ សុខុន រដ្ឋមន្ត្រីក្រសួង​ប្រៃសណីយ៍ និង​ទូរគមនាគមន៍​កម្ពុជា មន្ត្រីជាន់ខ្ពស់​សំខាន់ៗ​ក្នុង​ជួរ​រាជរដ្ឋាភិបាល និង​ភ្ញៀវកិត្តិយស​ដទៃទៀត​យ៉ាងច្រើន​កុះករ​។ នេះ​គឺជា​ព្រឹត្តិការណ៍​ដ៏​សំខាន់​មួយ សម្រាប់​ប្រទេស​កម្ពុជា ដែល​នឹង​ទទួលបាន​អត្ថប្រយោជន៍​ជាច្រើន ពី​ការដំឡើង​ជា​លើកដំបូង នៃ​ប្រព័ន្ធ​ខ្សែ​កា​ប្លិ៍​អុ​ប​ទិ​ក​ក្រោម​បាតសមុទ្រ ដែលមាន​ល្បឿន​លឿន និង​សមត្ថភាព​ខ្ពស់​មិន​ធ្លាប់មាន​។​

​ក្រុមហ៊ុន Huawei Marine នឹងដាក់​ពង្រាយ​ឧបករណ៍​បង្កើនល្បឿន​អុ​ប​ទិ​ក ដែលមាន​លក្ខណៈ​ច្នៃប្រឌិត​ខ្ពស់ អាច​ប្រើ​ខ្សែរ​ត់ដល់​ទៅ 6​គូ និង​ប្រើប្រាស់​ប្រអប់​ទី​តា​ញ៉ូ​ម​តូច​ស្ដើង ដើម្បី​កាត់បន្ថយ​ការចំណាយ​លើ​ប្រតិបត្តិការ​បាន​យ៉ាងច្រើន ផ្សារភ្ជាប់​ជាមួយនឹង​ការដាក់​ពង្រាយ​បណ្តាញ​នានា ដែល​អនុញ្ញាត​ឲ្យ​ដាក់ពង្រាយ​បាន​ច្រើន​ត​ភ្ជាប់​គ្នា ព្រមទាំង​ការ​កប់​នៅក្រោម​បាតសមុទ្រ​។​

​ប្រព័ន្ធ​ខ្សែ​កា​ប្លិ៍​ថ្មី​នេះ នឹង​ផ្តល់​ឲ្យ​ប្រទេស​កម្ពុជា និង​បណ្តា​ប្រទេស​នៅ​ជុំវិញ ជាមួយនឹង​ការកើនឡើង​យ៉ាងខ្ពស់​នៃ​កម្រិត​បញ្ជូន​ទិន្នន័យ​លំដាប់​អន្ដរជាតិ ដែល​នឹង​ជួយ​បង្កើន​ទិន្នន័យ​កម្មវិធី​អ៊ី​ន​ធើ​ណេ​ត​កាន់តែច្រើន និង​បទពិសោធ​ថ្មី​របស់​អ្នកប្រើប្រាស់​ទាំង​បុគ្គល និង​ស្ថាប័ន​ពាណិជ្ជកម្ម​។​

​លោក Ma Yanfeng អគ្គនាយករង​ក្រុមហ៊ុន Huawei Marine បាន​មានប្រសាសន៍ថា​៖ «​យើង​ពិត​ជាមាន​កិត្តិយស​ណាស់ ដែល​បាន​សហការ​ជាមួយ​អតិថិជន​របស់​យើង និង​ចាប់ផ្តើម​ធ្វើការ​អភិវឌ្ឍ និង​សាងសង់​ប្រព័ន្ធ​ខ្សែ​កា​ប្លិ៍ MCT ដើម្បី​ផ្តល់នូវ​ហេដ្ឋារចនាសម្ព័ន្ធ​ដ៏​ទំនើប ដែល​នឹង​រួមចំណែក​ដល់​កំណើនសេដ្ឋកិច្ច និង​ការអភិវឌ្ឍ​ក្នុង​តំបន់​ឥណ្ឌូចិន​»៕​

ប្រភពព័ត៌មាន:ក្រុមហ៊ុន Huawei Marine និង MCT…

Khmer Daily News